لیڈی ڈاکٹر زہرہ نقوی و اورنگزیب کیخلاف الگ الگ مقدمات

  خوشاب نیوز ڈاٹ کام)سٹی پولیس جوہرآباد نے محرم الحرام کے دوران ضلعی انتظامیہ کی جانب سے عائد کردہ دفعہ 144کی خلاف ورزی کرنے پر لیڈی ڈاکٹر زہرہ ظفر نقوی اور جناح آبادی کے رہائشی اورنگزیب کے خلاف زیر دفعہ 188ت پ الگ الگ مقدمات درج کئے ہیں۔ جناح آبادی کے رہائشی اورنگزیب پر عطا محمد پراچہ ، محمد رمضان آصف ، ظفر اور مطلوب حسین کے ساتھ ملکر بلا اجازت جلوس نکالنے کا الزام ہے جبکہ لیڈی ڈاکٹر زہرہ ظفر نقوی پر اپنے گھر میں بلا اجازت مجلس عزا کے دوران سائونڈ سسٹم استعمال کرنے کا الزام ہے۔

مکمل تحریر >>>

ڈی ایچ کیو ہسپتال تزئین وآرائش پر 40 کروڑ ضائع، ادویات غائب

  خوشاب نیوز ڈاٹ کام)حکومت پنجاب کی جانب سے محکمہ صحت کو فعال بنانے اور عوام کو صحت کی جدید سہولیات اُن کی دہلیز پر مہیا کرنے کیلئے اربوں روپے کے فنڈز مختص ہونے کے باوجود ضلع خوشاب کے عوام کو سرکاری سطح پر صحت کی سہولیات میسر نہیں۔ ضلع خوشاب میں محکمہ صحت کی زیر نگرانی چلنے والے سب سے بڑے ادارے ڈی ایچ کیو ہسپتال جوہرآباد میں ادویات کی قلت کے باعث مریضوں کو علاج معالجے میں شدید دشواریوں کا سامنا ہے اور وہاں پر زیر علاج مریض ادویات بازار سے خریدنے پر مجبور ہیں۔ محکمہ صحت کے ارباب اختیار اس صورتحال پر فوری توجہ مبذول کرے۔ ان خیالات کا اے این پی کے رہنما ملک مشتاق احمد اعوان نے اخبار نویسوں سے بات چیت کے دوران کیا۔ اُنھوں نے کہا کہ ستم ظریفی یہ ہے کہ ڈی ایچ کیو ہسپتال جوہرآباد کی عمارت کی تزئین و آرائش پر چالیس کروڑ روپے سے زائد خرچ کر دیئے گئے لیکن وہاں پر ادویات فراہم نہیں کی گئیں۔ ہسپتال کی دیدہ زیب عمارت محض ایک تفریح گاہ بنی ہوئی ہے جس سے مریضوں کو کوئی فائدہ نہیں پہنچتا۔ اُنھوں نے وزیراعلیٰ پنجاب سردار عثمان بزدار سے استدعا کی کہ ضلعی ہیڈ کوارٹر ہسپتال جوہرآباد میں مریضوں کو سرکاری سطح پر ادویات کی فراہمی یقینی بنانے کیلئے ٹھوس اقدامات اٹھائے جائیں۔

مکمل تحریر >>>

صحافی کے بھتیجے کی ڈاکٹروں کی مبینہ غفلت کے باعث موت کی تحقیقات شروع

خوشاب نیوز ڈاٹ کام ) خوشاب کے سینئر صحافی چوہدری عزیز الرحمن کے جواں سال  بھتیجے  کی ڈاکٹروں کی مبینہ غفلت ولاپرواہی کے باعث موت کی تحقیقات شروع ۔ چوہدری عزیز الرحمن نے سماجی رابطوں کی ویب سائٹ سائٹ پر اپنی ایک پوسٹ میں انکشاف کیا ہے کہ ڈی ایچ کیوہسپتال خوشاب بمقام۔جوہرآباد میں مورخہ تیئیس اگست 2019 عملہ کی غفلت ولاپرواہی سے بھتیجے کی موت پرتحقیقات اورذمہ داران کے تعین کے لئے ایم ایس کودی گئی درخواست پرانکوائری آفیسرڈاکٹرقاسمی اورڈاکٹرامیرعبداللہ نے ڈاکٹر رمشا،ڈسپنسرافتخاراورمیرے بیانات سنے ۔انکوائری ٹیم۔نے دونوں کواپنے تحریری بیانات انکوائری کمیشن کو جمع کرانے کی ہدائت کی۔اور دودن۔کے اندر رپورٹ ایم ایس کو پیش کرنے کی یقین دہانی کرائی۔

مکمل تحریر >>>