ڈی پی ایس نورپورتھل فنڈز بارے وارث کلو کے اہم انکشافات

خوشاب نیوز ڈاٹ کام)ممبر صوبائی اسمبلی ملک محمد وارث کلو نے کہا ہے کہ میں ضلعی انتظامیہ کا مشکور ہوں جنہوں نے ڈی پی ایس کی نورپورتھل شاخ کی تعمیر کے لئے فنڈز جاری کیے ڈی پی ایس ایک خود مختار ادارہ ہے اور اس کی سربراہ ضلعی انتظامیہ ہے نورپورتھل میں ڈی پی ایس کی تعمیر کے لئے فنڈز کی فراہمی ڈی پی ایس کے فنڈز سے ہی کی گئی ہے جو کسی بھی عوامی نمائندے کی گرانٹ سے نہیں دیا گیا ۔اخبار نویسوں سے گفتگو کرتے ہوئے انہوں نے کہا کہ میرے دور میں اپریل 2004میں ڈی پی ایس کی 

شاخ نورپورتھل میں کھولی گئی جو کہ پرائمری سطح کی حد تک تھا بعد میں والدین کے پر زور مطالبہ پر مڈل کا درجہ دلوایا گیا اب میں علاقہ تھل کی عوام کی طرف سے ڈی سی او خوشاب اور چوہدری محمد جعفر گجر اسسٹنٹ کمشنر کا انتہائی مشکور ہوں جنہوں نے ڈی پی ایس کے فنڈز سےاسکی نورپوربرانچ بلڈنگ کے لئے خطیر گرانٹ فراہم کی لیکن بعض سیاست دانوں کا کوئی دوکروڑ کی گرانٹ جاری کرنے کے جھوٹے دعوےاور افتتاح کرنا مضحکہ خیز ہے ۔

مکمل تحریر >>>

نااہل حکومت نے ملک کو تباہی کے دہانے پر لاکھڑا کیا

خوشاب نیوز ڈاٹ کام)پنجاب اسمبلی کے رکن ملک محمد وارث کلو نے کہا ہے کہ کشکول توڑنے کے دعویدار حکمرانوں نے سخت شرائط پر بھاری قرضے حاصل کر کے اپنے انتخابی منشور کی خلاف ورزی کے ساتھ ساتھ پاکستانی عوام کو بھی مایوسیوں اور محرومیوں کی دلدل میں دھکیل دیا۔ پی ٹی آئی کی حکومت کی جانب سے اپنے اقتدار کے قلیل عرصہ میں لئے گئے قرضوں کا حجم گذشتہ حکومت کے پانچ سالہ دورِ حکومت کے قرضوں سے کہیں زیادہ ہے۔ جوہرآباد میں مسلم لیگی کارکنوں سے بات چیت کرتے ہوئے انھوں نے کہا کہ موجودہ حکمرانوں کی غلط پالیسیوں اور ناقص حکمت عملی کی بدولت ملکی معیشت تباہی کے دہانے پر ہے اور ملکی معیشت بچانے کیلئے آئی ایم ایف سے لئے جانیوالے بھاری قرضے ڈوبتے کو تنکے کا سہارا دینے کے مترادف تھے ۔ انھوں نے کہا کہ وطن عزیز میں پہلے ہی غربت اور مہنگائی عروج پر ہے اور پاکستان کے مفلوک الحال عوام مہنگائی کے شکنجے میں جکڑے ہوئے ہیں ۔

مکمل تحریر >>>