خوشاب نیوز ڈاٹ کام) ڈسٹرکٹ پولیس آفیسر خوشاب رانا شعیب محمود نے کہا ہے کہ پولیس افسران و ملازمین اپنے فرائض کو نہایت ایمانداری اور نیک نیتی سے سرانجام دیں. شہریوں کو زیادہ سے زیادہ ریلیف دیں اور انصاف کی فراہمی کو یقینی بنائیں، میرٹ کی پالیسی کو اپنایا جائے اور پولیس کے سافٹ امیج کو فروغ دینے کے لیے عوام دوست پالیسی اپنائیں.۔وہ گزشتہ روز ڈسٹرکٹ پولیس لائنز جوہرآباد میں منعقدہ دربار سے خطاب
کررہے تھے۔ انہوں نے مزید کہا کہ پولیس ملازمین کی ویلفیئر، ریٹائرڈ پولیس ملازمین اور شہداء کی فیملیز کے لیے میرے دفتر کے دروازے ہمیشہ کھلے ہیں، آخر میں ڈی پی او خوشاب نے پولیس ملازمین کے مسائل سنے اور انکے حل کے لیے فوری احکامات جاری کئے.۔اس موقع پر ایس پی محترمہ زبیدہ پروین، ڈی ایس پی ایز اور ایس ایچ اوزکے علاوہ ایلیٹ فورس، ٹریفک پولیس، لیڈیز فورس اور دفتر پولیس کا سٹاف بھی موجود تھا۔
