ٖفائل فوٹو
نوشہرہ وادی سون (نمائندہ خوشاب نیوز ڈاٹ کام، ملک فرحان فاروق اعوان)گزشتہ رات وادی سون روڈ نوشہرہ پرنامعلوم نقاب پوش مسلح ڈاکوؤں نے مسافروں کو ناکہ لگا کر لوٹتے رہے جبکہ پٹرولنگ پولیس خالق آباد اور تھانہ صدر جوہر آباد پولیس اپنی نیند پوری کرتی رہی،متاثرین افراد نے شدید احتجاج کرتے ہوئے بتایا کہ خالق آباد،نوشہرہ کی پہاڑی میں بابا کچھی والا موڑ کے قریب پل جومحکمہ ہائی وے خوشاب کی نااہلی کی وجہ سے کئی ماہ سے ٹوٹ چکی ہیں اور محکمہ ہائی وے ٹس سے مس نہ ہوئے بلکہ روڈ کے درمیان دیوار بنا دی گئی گزشتہ صبح ساڑھے چار بجے سے پانچ بجکر بیس منٹ تک ڈاکوؤں نے ٹوٹی ہوئی پل کا فائدہ اٹھاتے ہوئے روڈ پر ناکہ لگا کر مسافروں کو لوٹتے رہے جوہر آباد کا رہائشی ثاقب رحمن نے بتایا کہ ڈاکوؤں نے بڑی تسلی سے متعدد گاڑیوں اور موٹر سائیکلوں پر سوار دو درجن افراد سے نقدی وغیرہ لیکر فرار ہو گئے اور خواتین کو بھی مارا پیٹا گیا اور بے عزت کیا موقع ملنے پر متاثرہ افراد نے15اور 1124پر کال کی لیکن عوام کے محافظوں نے کال اٹینڈ نہیں کی یاد رہے کہ اس موڑ پر اس سے پہلے بھی درجنوں ڈکیتیوں کی واردات ہو چکی ہے اس ایک موڑ کی نگرانی نہ کر ناخوشاب پولیس کیلئے لمحہ فکریہ ہے۔
