خوشاب نیوز ڈاٹ کام) رکن قومی اسمبلی ملک محمد احسان اللہ خان ٹوانہ نے کہا ہے کہ ہم نے تحصیل نورپورتھل میں کوالٹی آف ایجوکیشن کی بہتری کے لیےتحصیل پبلک سکول نورپورتھل کاقیام عمل میں لانا تھا۔ ان خیالات کااظہار انہوں نےےتحصیل پبلک سکول نورپورتھل کی عمارت کے لیے مجوزہ جگہ کے خصوصی دورہ کے موقع پر کیا۔ انہوں نے کہا کہ ڈی پی ایس نورپورتھل کی عمارت کی تعمیر سمیت اس ادارے کے دیگر مسائل کے حل کے لیے ترجیحی بنیادوں پر کئے جائیں گے۔ اس موقع پر اسسٹنٹ کمشنر چودھری محمد جعفر گجر نے ممبرقومی اسمبلی ملک محمداحسان اللہ خان ٹوانہ کو بریفنگ دیتے ہوۓ بتایا کہ سکول ھذا کی عمارت سمیت دیگر سہولیات کی فراہمی کے لیے تخمینہ لاگت تقریباً دوکروڑ روپے ہے۔ انہوں نے بتایاکہ سکول کے لیے اکیس کنال اراضی مختص کردی گئی ہے۔ انشاءاللہ ادارہ ہذا کو علاقہ تھل کا ایک مثالی ادارہ بنایا جاۓ گا۔ ملک محمداحسان اللہ خان ٹوانہ نے ڈی پی ایس نورپورتھل کی عمارت کی تعمیر سمیت دیگر جملہ مسائل سکول ھذا کے حل کی بھرپور یقینی دہانی کرائی۔ نورپورتھل کی معروف سماجی و سیاسی شخصیات کے علاوہ ایم این اے ملک محمداحسان اللہ خان ٹوانہ کے پبلک فورم انچارج ملک غضنفر وڈھل بھی اس موقع موجود تھے۔
